Kamar ka dard kamar k dard keliye likh kar kamar me bandhiye lakin yad rakhiye is taweez ko ap pehan kr toilet

lakin yad rakhiye is taweez ko ap pehan kr toilet nahi jasakte!

shahwat-parasti ka ilaj shehwat parasti me griftar dost wa ahbab keliye mujarib ilaj pesh e khidmat hai : ilaj shuru karne se pehle surah fatiha parh kar sarwar e kainat Hazrat Mumhammad S.A.W.S ko iska sawab bakhshain aur phir rozana 40 din keliye ayat ul kursi 7 dafa surah noor ki ayat no.2 aur 3 ko 7 dafa surah noor ki ayat no.35 ko 3 dafa surah yousaf ki aya no.23 ko 1 dafa surah ikhlas 3 dafa surah falaq 3 dafa surah naas 3 dafa pani pe parh kr dum kar k peliya karain Sugar Seen Ya Samee-o Bihaki Humwakeel ko 37 dafa isha k namaz k baad 28 din keliye parhain! Awal wakhir 3 dafa Duro0d Sharif Zaroor Parhain! Job Ki Talash Surah Zuha ko Aamilo ne pur-taseer mana hai, isme 9 jagah per kaaf aya hai. Aap namaz e fajar k bad wahin bethein, Surah Zuha istarha parhain k jub kaaf aaye to to 9 daea Ya Kareem parhain! ye amal sirf 9 din karain job mil jayegi! agar khuda na khuwasta na milay to ye amal 18 dafa parhain, agar phir bhi hajat poori

na ho aur job na milay to 27 dafa parhain aur her kaaf per Ya Kareem parhain! Financial Problems Her qisam ki maali pareshani keliye 28din kliye isha ki namaz bad 215 dafa Taa Ya Taahiru Bihaki Ismaeel awal wakhir 3 drood Sharif parhain! karobar ya kaam me burkat aur taraqi keliye rozana maghrib ki namaz k bad 28 din keliye awal wakhir 3 dafa Durood Sharif aur 1 dafa Surah Waqia parhain! joindice ka ilaj Joindice ya pelia ke ilaj keliye Surah Fatiha aur Surah Hashar aur Surah Quraish ko 7 dafa parh kar dum karain aur pani pe bhi dum kar k pilate rahain Court case Agar apko kisi court case me kamyabi chahiye to rozana kisi b namaz k bad 133dafa Surah Bani-Israel ki ayat no.81 ko parho. Agar aap huq per ho to faisla ap k huq me hoga agar aap isko nahuq parhain gain to iski zime dari ap per hai. Isliye soch samajh kr parhiye ga. Rishto keliye Agar apko apni awlad beta ya beti keliye munasib rishta ni milta to Surah Namal ki ayat no.62 ko uthte bethte chalte phirte apna wird bana lain. Rizq ki tungi keliye chalte phirte uthte phirte khate petee matlab

hur waqt Ya Hayiu Ya Qayumu parha karain. Iske sath sath rozana fajar ki namaz k bad 11dafa Surah Ankaboot ki ayat no.62 parha karain insha Allah rizq me burkat hogi. Dushman Se Hifazat Agar kisi ko kisi dushman ka dur ho ya uski dushmaniyan barhti ja rahi hon to dushman se hifazat keliye Surah Hajj ki ayat no.38 ko 11 dafa rozana parhe Dil ki Ghabrahat aur beemari keliye Agar apko dil ki Ghabrahat aur beemari do0r karni ho to Surah Rad ki ayat no.28 ko 41dafa pani per dum kar ke pi lo Her Dard Se Shifa ka Amal Agar apko her qisam k dard aur jismani takleef se shifa hasil karni ho to Surah Anaam ki ayat no.17 ko 7 ya 11 dafa jis jagah dard ho hath rakh kar parhain aur dum karain Hepatitis B Hepatitis B ke ilaj keliye har namaz ke bad 7 dafa Surah Feel parh kar pani me dum kar ke mareez ko pillain har namaz ke bad pani pillain inshallah shafa hogi. Jaiz Murad Har jaiz murad maslan beron mulk jana, qarz aur financial problems etc keliye Rozana isha ki namaz ke bad 500 dafa Ya Musabib ul Asbab parh kar Allah swt se dua karain. Awal wa akhir Durood Sharif 11 dafa parh liya karain. Qarz Awal wa akhir 11 dafa Durood Sharif parh kar Surah Al imran ki ayat no. 26 aur 27 ko 41 dafa parh kar Allah swt se Qarz ki adayegi ki dua karain. Aulad ka wazifa

Aulad ki nemat ke husool keliye awal wa akhir 11 dafa Durood Sharif aur Ya Warisu 313 dafa parhain. Inshallah iski barkat se agar Allah swt ne chaha to boht jald aulad ki nemat se mala maal hojain gay. Shadi Na Hoti Ho Jiss kisi nojawan larka ya larki ki shadi ka bundobast nahi hota yani kharch nahi ya marzi ke mutabiq sathi nahi milta. Shadi me har qisam ki rukawat keliye larki ya larke ke parents me se koi aik shaks raat ko 2 baje uthay wuzu kar ke 2 rakat nafal hajat ki niyat se parhe aur apne matlab ko dil me rakh ker 823 dafa Ya Khabeeru parhe aur apne maqsad keliye dua kare. InshaAllah boht jald bundobust ho jayega. Kamil yaqeen shart hai. Istikhara Surah Anaam Surah Anaam ki Ayat no. 59,60,61,62 ko white sooti (cotten) kapre per bawuzu likh kar apne sarhane rakh kar apne maqsad ko dil me jama kar kisi se baat na karain aur sojaien. Inshallah Khuwab me sub ahwal bayan hongay. Jis din apna masle ka hul pata chal jaye us din subha uth kar Allah swt ki raah me sadaqah dain aur agar ho sake to kisi jaanwar ko chara khila dain. Buray Khuwab Buray ya Drawne khuwab se nijat keliye raat ko sonay se pehle awal wa akhir Durood Sharif 1 bar parh kar 21 martaba Ya Mutakabir parh kar sojaya karain Insha Allah aise pareshan kun khuwabo se nijat mil jaye gi. Gumshuda Istikhara Isha ki namaz ke baad sonay se pehle 551 dafa inna lillahi wa inna ilayhi rajioon apni gum shuda cheez ya shaks ka tassawar kar ke parhain aur

baghair baat kiye sojayein InshaAllah 7 dino me pata chal jayega. Buri Adat Door Karne Keliye Buri adat door karne keliye rozana Surah Yasin 1 dafa aur Ya Hameedu 90 dafa aur Ya Batinu 100 dafa pani per parh kar dum karain aur pila dain. awal wa akhir Durood Sharif 11 martaba parhain. Diabetes Sugar keliye Diabetes jisse hum sugar ke naam se jaante hain uske liye awal wa akhir 11 dafa Drood Sharif aur Surah Bani Israeel ki Ayat no.82 ko subah shaam mareez ko 3 dafa parh kar pani me dum kar ke pila dain Bacho ka neend me Darna aur Rona Aise bache jo neend me aksar ghabra kar uth jaate hain yaan boht ziyada rotay hon unkeliye aap pakizgi ke sath Surah Al-Asr ko kaghaz me likh kar achi tarha momjama kar ke bache ke galay me daalna Inshallah mufeed hoga Khushk khansi Jiss shaks ko khushk khansi ka aariza ho woh Awal wa akhir Durood Sharif parhe aur Surah Fatiha 7 dafa Chanbeli ke oil me dum kar ke galay me isha ki namaz ke baad lagaye. Inshallah Shifa payega Nazar e Bud Jo koi bache ke gale me ye dua likh kar dalay yani taweez ki tarha Inshallah woh bacha Nazar e Bud aur balaon se mehfooz rahega.

Sir Dard Sir dard keliye fori rahat keliye Bismillah parh kar seedhe hath ki shahadat ki ungli se ye alfaz isi tarha likhain aisa 3 bar karain. Inshallah dard kitna shadeed ho firon ki tarah gharak ho jayega. Ye amal dant ke dard keliye gaal per likhain. Dushman Se Bachna Agar koi Dushman ya hasid hath dho kar aap ke peeche para ho ya phir kisi dushman ki taraf se khatre ka andesha ho k maaz Allah koi nuqsan pohanchaye ga to uske liye aap ye amal kar sakte hain fajar ki namaz ke baad ya isha ki namaz ke baad rozana yeh Qurani Ayat Bismillahirahmanirahim nasroom min Allah wa futhun qareeb 100 bar parh kar apne seene per dum karain awal wa akhir 3 martaba Durood Sharif. Inshallah aap uss Dushman ke sher se mehfooz rahaingay Sehar jadoo k Sehar aur jadoo keliye Rozana 1 bar Surah Yasin jo ke Quran ka dill hai pani per dum kar ke ghar ki diwaro per chirak dain aur kuch pani jisper jadoo kiya gaya hai pila dain. 40 din tak aisa karain Inshallah shifa hog
Business Loss Agar kisi ki dukan ya karobar khasare ya loss me ja raha ho to usko chahiye ke jub subha uth kar apni dukan ya karobar ki jagah per aaye to sub se pehle Durood Sharif wuzu ki halat me 11 dafa parhe phir Surah Nasr 10 dafa parhe phir Allah swt se dua kare phir 11 dafa Durood Sharif parh ker apne kaam me masroof hojaye. Inshallah bohot jaldi tungi door hojaye gi aur dukan aur karobar khoob chalega. Kum iz kum 1 hafte tak is amal ko zaroor kare. Agar iss amal ko rozana parhe aur isse apna wazifa bana le

apni adat bana le to Inshallah chund barso me ghani yani maaldar hojayega. Kaamil yaqeen aur aqeeda shart hai warna asar nahi hoga yani kehne ka maqsad yeh hai ke jub koi amal wazifa ya dua ki jaye to Allah swt per poora Yaqeen ho ke Allah swt ke khazane me koi kami nahi woh jisse chahe jub chahe ata kar de aur meri dua Inshallah poori hogi ! Agar Allah na kare dil shak rakhte huwe amal wazifa ya dua karien gay ke dekho pata nahi qabool hoga ke nahi to beshak apki poori tawajuh nahi hogi aur amal kamyab nahi hoga. Huzoor s.a.w.s ki Hadeeth mubarak hai ke matalab amal ka daro madar niyato per hai ! Apni niyat durust kijiye aur Allah swt ki nemato ki baharain lootiye! Sukoon e Qalb Dil ke sukoon aur ghabrahat ki kefiat ko theek karne ki niyat se her namaz ke bad ankhein band kar ke 100 dafa Ya Allah parhain. Inshallah dil ko sukoon ajayega. Meharbani Keliye Jub kisi zalim ke samne 50 martaba parh kar dum kar di jaye to zalim ke dil me iski hebat paida hogi aur uske sher se mehfooz rahega Inshallah. Jismani Dard Jism me dard ke ilaj keliye saans andar kheench kar 7 dafa dil me parhain aur sir dard, adhay sir dard aur tamam jismani dard par saans nikalte huwe dum karain. Dard ruk jayega Inshallah. Hamesha Dolat mund rehne ka amal Jo shaks ye chahta hai ke usko zindagi me kabhi bhi maal ki kami

na ho matlab hamesha dolat mund rahe ya zaroorat ke mutabiq Allah ka rizq milta rahe to usko chahiye ke Ya Wahabu ko fajar ki namaz ke bad 1400 dafa aur raat ko sonay se pehle 1400 martaba parhne ko apna wazifa bana le. Inshallah kabhi rizq ki tungi na hogi aur agar karobari hazrat apna karobar dukan etc shuru karte waqt ussay rozana 2100 dafa parhe. Inshallah iski barkat se karobar kabhi na rukay ga aur na kabhi kum hoga kiyun ke husool dolat keliye ye ism itna asar rakhta hai ke bayan se bahir hai isliye isay hamesha parhne wala kabhi khali nahi reh sakta. Jiska naam Wahab ya Suleman ho uske liye iska wird boht mufeed hai. Bacho ke sookhe ka ilaj Baaz bacho ko sookhe pan ka maraz lahiq hojata hai aur woh din ba din sookhte chale jate hain aur kamzor hojate hain aise bacho keliye Ya Qahhar ka wird behtar hai. Kuch oil lekar uspar 1000 dafa parh kar dum kar ke malish karain Inshallah dubla pun khatam hokar bacha sehat mund hojaye ga. Joint Pain Joint pain ya jismani dard keliye Surah Luqman ki ayat no. 26 ko 200 martaba parhain aur awal wa akhir Durood Sharif 11 martaba parh kar hatho me dum kar ke dard ki jagah per pherne se Inshallah dard jata rahega Bud kalam boss Aise boss ya officer keliye jo aap ko bar bar bila wajah office me ya kaam ki jagah per tung karta ho ghalat bayani karta ho to uske liye 40 din tak asar ki namaz ke baad musjid me beth ker 6250 dafa Ya Muzillu parhain Inshallah iski barkat se agar wo aap ki najaiz mukhalifat karega to woh khud zalil hoga. Tuber Culosis ka ilaj Tuber Culosis yani T.B ke maraz ke ilaj keliye awal wa akhir 11

Durood Sharif parhain aur uske baad Surah Yusuf ki ayat no. 1 ko 10 martaba parhain aur pani me dum kar k mareez ko pilain aur us par bhi dum karain. Inshallah maraz jata rahega aur bil akhir khatam hojayega. Har kaam me Kaamyabi Har kaam me kaamyabi keliye rozana fajar ki namaz ke baad 41 dafa surah al imran ki ayat no. 26 parhain aur Allah swt se kaamyabi ki dua karain. Wazifa ka start aur end me 11 dafa Durood Sharif parhain. Inshallah Allah swt ki madad shamil e haal rahe gi Blood Pressure Ka ilaj Blood Pressure keliye Surah Zumar ki ayat no. 44 ko 60 dafa pani me dum kar k mareez ko pilain. Ayat parhne se pehle aur akhir me 11 dafa Durood Sharif Parhain. Inshallah maraz jata rahega. Ear related Diseases Kaan dard etc keliye surah nahal ki ayat no. 128 ko 21 dafa parh kar kaan per dum karain Inshallah dard jata rahega. Ayat parhne se pehle aur baad 11 dafa Durood Sharif Parh lain. Liver Diseases Liver Diseases keliye yani jigar ke tamam amraz keliye Surah Al Rahman ki Ayat No. 78 ko 21 dafa parh kar pani me dum karain aur mareez ko pilaye ayat parhne se pehle aur akhir me 3 dafa Durood Sharif parh liya karain Inshallah Shafa hogi. Nafarmani keliye Nafarman bacho keliye ya baro keliye Surah Ahqaf ki ayat no. 15 ko rozana jub na farman bacha ya bara so raha ho to uske sar ke pass khare hokar 3 dafa parhain wazaifa ke start aur end me 3 dafa Durood Sharif zaroor parh liya karain

Her Museebat aur Bala Keliye Her kisam ki musibat aur bala ko talne keliye Surah Anbiya ki ayat no.83 ko rozana fajar ki namaz ke baad 313 dafa parhain aur Allah swt se apne masail ke hul keliye iltija aur dua karain wazifa ke start aur end me dua se pehle Durood Sharif 11 martaba parh liya karain Inshallah aap ke jumla masail hul hote rahaingay. Bacho ka Rona Jo bache raat ko boht ziyada rote hon unkeliye mukamal pakeezgi ke sath safaid kaghaz me Bismillah ke saath Surah Asar likhar mom jama kar ke bachay ke galay me latka dain Inshallah bacha rona band kar dega. NOTE : Agar aap chahien to Surah Asar ko 41 bar awal wa akhir Durood Sharif 3 dafa parh kar dum kar sakte hain. Larkion ke Rishte Koch log dushmani ki wajah se ya kisi aur wajah se larkio ke rishto ki bundish kar dete hain ya karwa dete hain result ye hota hai ke unke rishte ana bund ho jate hain aur unki shadi ki umrain nikal jati hain. Alhumdulilah is amal ko aisy khawateen per bhi azmaya gaya hai jo ke kafi arse se shadi ka intizar me borhi ho rahi thien. Arabi mahine ke start ke pehle 15 dino me juma ke din start karien behtar yahi hai ke pehle juma ko start kiya jaye. Pehle juma ke din me 21 dafa Surah juma parhain aur start aur end me 11 dafa Durood Sharif parhain aur Allah swt se achay Rishte ki dua karain aur aisa 3 juma tak karain. NOTE : Agar ye amal larki na kar sake to uski walida walid ya bhai behan bhi uske liye kar sakte hain lakin agar koi aurat kare to is bat ka khas khayal rakhe ke makhsoos ayaam me parhai na kare aur jub pak saaf ho jaye to isko continue kare aur agar kisi khas jaga rishta karna manzoor ho to parhai ke waqt uss rishte ka tassavur

rakhain.agar kisi khas jagah maqsud na ho to phir wese he rishte anay ka tassavur rakhain. Inshallah aik mahinay ke andar andar rishte ana shuru ho jayien gay aur agar Allah ne chaha to achi jagah shadi hojaye gi. Amal Taskheer Agar aap per kisi ka qurza hai ya aap ne kisi se loan liya hai aur woh qurza aap nahi de pa rahe, ya aap be-rozgar hain kahin kaam nahi milta ya phir bacho ki shadi keliye maal aur saaman ka intizam nahi to iss amal se Allah swt zaroor aap ki madad kariengay. Shart ye hai ke aap ye amal continueously karte rahien. Raat 2 baje uth kar iss amal ki niyat se ghusal karien. Saaf pak aur khushbudar kapre pehnain. Amal ke dawaran koi budbudar cheez hargiz istemal na karain jese pyaaz lehsun etc agar batiyan jalain ta ke kamre me khushbu ho aur ab aap qible ki taraf mu kar ke 500 dafa Allahu Samad parhain. Ab shamal ki taraf mu kar ke yahi 525 dafa parho phir mashriq ki taraf mu kar ke 533 dafa parho aur janoob ki taraf mu kar ke 535 dafa parhain aur phir beth jaien aur 500 dafa parhain. Lakin khayal rahe fajar ki namaz qaza na ho. Uske bad Allah se dua karien Ya Allah jiss maqsad keliye me ne ye amal ya hai wo Sadqa e Mohammad s.a.w.s wa aal e Mohammad s.a.w.s poora farma. NOTE : ye amal sirf 21 din karna hai. Amal karte waqt ajeeb wakiyat nazar ayiengay aap ki halat khuch ajeeb se ho jaye gi magar aap ghabrayien nahi kiyon ke aap ka dil Allah swt ke ishq se sarshar hoga. Aap jo bhi 21 dino me dekhain usko na kisi ko batain na khud ghabraien. Amal shuru karne se pehle mujhse zaroor raabta karain +923443004688 aur ijazat le lain! Istekhara Ya Khabeer Agar kisi ko koi masla pesh ho aur uska solution nazar na ata ho to wo 2 rakat namaz nafal istikhara ki niyat se parhe. Har rakat me Surah Fatiha ke baad 3 dafa Surah Ikhlas parhe. Namaz parh kar 11 dafa Durood Sharif parhe phir Ya Khabeeru 111 dafa parhe.

Sonay keliye istarha letay ke chehra kaba sharif ki taraf ho. Sar ke neeche right hand rakhle aur Ya Khabeeru parhte parhte sojaye ( wuzu ki halat me) chund din ye amal musalsul karne se uss maslay ke solution mil jayega. Inshallah. Daant Peesne ki adat Bacho ki daant peesne ki adat khatam karne keliye jub bacha so jaye to uske surhane khare ho kar Surah Mariam ki Ayat no. 1 ko 7 martaba parhain. Inshallah daant peesna chor dega Ahtelam wet Dream Agar kisi shaks ko kasrat se ahtelam ya wet dreams atay ho to usko chahiye ke rozana Surah Yaseen parh kar soya kare usay Inshallah hargiz ahtelam na hoga aur na he bura khuwab dekhega. Shop keepers keliye Shopkeepers ya dukandar jo chahte hain ke unki dukan pe ziyada maal bikay ya farokht ho wo rozana subha ke waqt jub dukan kholain ya apna business start karain 1 dafa (agar ho sake to ziyada dafa) Sura Nooh parha karain aur bazar se print shuda choti Surah Nooh ki print kharid kar jahan aap paisay ya cash rakhte hain wahan usko rakhain aur har hafte kisi bhi din jitna ho sake chahe 1 rupees ka sadqa kiya karain Inshallah iski barkatain aap khud dekhaingay. Business me Success Business ya karobar me success keliye Surah Luqman Ki Ayat no. 26 ko fajar ki namaz ke baad karobar ya Business ki jagah 313 martaba rozana parha karain wazifa ke start aur end me Durood Sharif 11 martaba parh liya karain. Exam me Kaamyabi Kisi Imtihan ya Examination me Success keliye Rozana Surah Al

Anfal Ayat no. 62 ko fajar ki namaz ke baad 21 dafa parh ker Allah se Exam me kaamyabi ki Dua karien aur wazifa ke start aur end me 3 dafa Durood Sharif Parha karain. NOTE : Parents apne bacho keliye ye wazifa kar sakte hain. Court Ke Muqadme ki kaamyabi Adalati muqadame me kaamyabi keliye Rozana Surah Israil Ayat no. 81 ko rozana fajar ki namaz ke baad 300 dafa parhain aur Allah swt se dua karian aur wazifa ke start aur end me dua se pehle 21 martaba Durood Sharif Parha karain. Heart Diseases keliye Dil ki tammam beemario keliye Az Zumur ki Ayat no. 53 ko 40 dafa parh ker pani per dum ker ke pilaye awal wa akhir 11 dafa Durood Shareef parh liya karien husool e murad tak parhain. Bhook keliye Bismillahir Rahman al Raheem Ya Raheemu Ya Shaafi Ya Raheemu jisko bhook na lagti ho ya kum lagti ho to wo isko khana khate waqt khanay per isko 12 dafa parh kar dum kare aur khana kha le Inshallah bhook lagna shuru ho jaye gi Ayaam ki Kharabi Ayaam ki kharabi ya menstrual disorder keliye Surah Tariq ki ayat no.4,5,6 aur 7 ko yani ayat 4-7 tak 31 martaba parh kar pani per dum karien aur pila dain. Shuru aur akhir me 11 martaba Duroor Shareef parh liya karien. Neend Keliye

 la illaha illa huwal malik ul huq ul mobeen rozana sone ke waqt 100 martaba durood sharif parhain aur ooper likhe huwe ismo ko parhte rahien Inshallah Neend Ajayegi. Faqar, Tungi aur Rizq keliye Mawahib Ludniya me riwayat hai ke ek shaks Huzoor Akram s.a.w.s ki khidmat me hazir huwa aur arz kia ke dunya meri taraf se peeth pher kar chali gayi hai. Huzoor s.a.w.s ne farmaya Malaika (Farishto) ki Tasbeeh paha karo! Subha suraj nikalne se pehle 100 martaba parha karo ye sun kar woh shaks chala gaya aur kuch dino ke bad aya aur arz kiya k Ya Rasool Allah s.a.w.s Allah ne mujhe itna diya hai ke ghar me rakhne ki jagah nahi. MUJARIB AMAL [ SURA NAMAL - 62 ] rozana isha ki namaz ke bad 500 martaba parhain 40 din tak yahi amal karien INSHALLAH har jaiz murad poori hogi ye amal har jaiz kaam aur mushkil aur sakhti ke waqt karna chahiye. wazifa k shuru aur akhir me 11 martaba durdood sharif parhain. Pait Dard Keliye pait ke dard ko do0r karne keliye mukamal pakeezgi k saath pait ke dard ke mareez ko ye dua likh kar khila dain. Inshallah kuch dair me dard jata rahega.

Muqadamat aur ilzam tarashi agar kisi per koi jho0ta ilzam lagaya gaya ho ya court me koi muqadama pesh ho ya uski wirasat per koi zabardasti qubza karna chahta ho to rozana is Ayat Ko 1000 martaba parhe. Inshallah parhne wale ko her afat se Allah swt mehfo0z rakhega. AYAT YEH HAI : Paiso Mein Barkat Aaj kal sub ka gila hai ke kamaye huwe paiso me barkat nahi hoti kahan se aate hain kahan jaate hain kuch pata nahi chalta! Maal me burkat aur azafe keliye mujarib wazifa aap ki nazar hai. . . Jub bhi paisa kahien se bhi mile, hath me jonhi aaye Bismillah irahmani Raheem parhain aur jab bhi kisi ko paisa dain ya koi payment karein to ahista se Inna lillahi wa inna ilaihi Rajioon parhain. Ab aayie is wazifa ka jaiza lete hain, Bismillah ki barkato se kon waqif nahi? Mukhtasarun iske parhne se barkat hoti hai goya jub aap paise lete hain to usme Allah ki barkat shamil hoti hai aur jub aap Inna lillahi wa ina ilaihi rajioon kehte hain aap is baat ka iqrar karte hain hum Allah he ke hain aur humien usi ki taraf lot ke jana hai, Huzoor s.a.w.s ki hadees k mutabiq nuqsan k waqt isse parhna chahiye chonke humara paisa ja raha hai kum ho raha hai ye bhi to aik tarha ka nuqsan huwa na? Aik aur riwayat ke mutabiq aik sahabi ki wafat hogai uss sahabi ki biwi ko huzoor s.a.w.s ne isi dua ki talkeen farmayi aur kaha k Inshallah Allah aap ko aap ke nuqsan ke badle behtar cheez dega aur aik din isi dua ki badolat woh bewa huzoor s.a.w.s ke nikah me akar umul momineen bani Allahu Akbar! Issi bara inam aur kia ho sakta hai?

Aap agar iss amal ki mudawamat kariengay Inshallah aap dekhain gay ke kistarha aap ke maal aur paiso me barka t hoti hai. Drawne Khuwab se Nijat Ya Mutakabiru sone se pehle 21 dafa awal wa akhir aik martaba durood shareef parh ker so jaien Inshallah drawne khuwab se nijat milegi. Dil ki Ghabrahat Keliye dil ki ghabraht keliye 60 martaba parh ker pani me dum kar liya karien. Inshallah dil ki ghabrahat ke saath degar pareshanio se nijat keliye mufeed hoga. Kisi Ko Naram Karna Aur Seedhe Raaste Per Lana .. : juma ki namaz ke baad 1001 bar Ya Wadoodu namak aur cheeni per dum karien aur ussi se khana pakayie hafte me 1 baar. NOTE : mumkin ho to namaz e tahajud bhi parhien lakin farz namazu ki pabundi shart hai Rishte Ka Anmol Wazifa .. : fajar ki namaz ke baad 100 bar parhien . iske baad 100 bar

 . poore din mein 1100 martaba . maghrib ki namaz ke baad sajde ki halat me 100 bar Ya Lateefu aur phir dil ki gehrai se Allah swt ki bargah me dua karne se 41 din me rishte hone ki puri umeed hai. awal wa akhir 11 bar durood shareef NOTE : mumkin ho to namaz e tahajud bhi parhien lakin farz namazu ki pabundi shart hai Halal Rozi Kamane Keliye Wazaif .. Subah fajar ke waqt se pehle 100 martaba iske baad azaan e fajar aur namaz e fajar ke darmayan khoob ro ro kar apne gunaho se mafi ke baad dua maangien. Namaz e fajar aur tamam namazo ke salam pherne ke baad 10 bar Kalma Tayeba aur 10 bar Ya Basitu parh kar chehre per hath phere lein. Namaz e fajar ke baad 500 bar din bhar mein 500 bar Durood Shareef namaz e isha ke baad 100 bar . Ghar me dakhil hote huwe Assalam o Alaikum ke baad 1 bar Durood Shareef aur 1 bar Sura Ikhlas parhein. Ghar se nikalte waqt

din bhar chalte phirte kam karte wuzu be wuzu musalsal parhte rahien NOTE : mumkin ho to namaz e tahajud bhi parhien lakin farz namazu ki pabundi shart hai Qarz ki adayegi Agar kisi per qarz ya loan barh gaya ho aur woh usko ada na kar pa raha ho ya ada karne ka rasta nazar na ata ho to aise shaks ko chahiye 41 din keliye isha ki namaz ke baad 41 dafa Sura Nasr yani wali surah ko parhe aur 11 dafa Shuru aur akhir me Durood Sharif parhain aur Allah ke huzo0r dua aur iltija karain kuin ke Allah ke khazane me koi kami nahi bus hamare eman aur yaqeen me kami hai! Hirz Abu Dajanah (may Allah be pleased with him) Hayat al Hayawn me dalail al nabuwat imam Behqi se manqool hai ke Huzoor s.a.w.s ke mashhoor sahabi Hazrat Abu Dajanah r.a aik roz Huzoor s.a.w.s se arz karne lage ke Ya Rasool Allah raat ko mere makan me chaki chalne ki awaz aayi. Phir yak bayak mutawatar bijli chamakti nazar aayi. Jub ghor se dekha to aik kali ghata si makan ke sehan me maloom huwi. Us kali ghata me se angare meri taraf uray huwe aaye. Huzoor Akram s.a.w.s ne ye sun kar farmaya ke tere ghar me jinn hai. Phir aap ne qalam dawat aur kaghaz mangwa kar janab Ali Karam Allahu wajhahu ko diya aur farmaya likho! - - Hazarat Abu Dajanah r.a farmate hain ke me is nama e mubarak ko le aya. Aur do0sri raat apne sarhane rakh kar sogaya. Farmate the ke mere ghar se cheekho ki awaz aati thi. . . .Abu Dajanah r.a farmate hain fajar ki namaz me, me ne Huzoor s.a.w.s se raat

cheekh o pukar ka zikar kiya. Aap s.a.w.s ne farmaya ke ab wo jinn qayamat tak jalta rahega! Huzoor s.a.w.s ka ye nama mubarak ya khat sare jahan ke jinnat ke naam likha huwa hai. Jiske ghar me jinn bho0t aasaib ka khalal ho to iss nama mubarak ko likh kar makan me oonchi jagah latka do. Jis shaks per jin ata ho ye nama mubarak likh kar usko dikhana aur gale me latkana bohat mufeed hai. Iss amal ki taseer bayan karne ki zarurat nahi samajhta. . .jese madinat ul ilm ne likhwaya. . . .aur bab e ilm ne likha. . .humari zabane kharab hain. Azeem Sadme Ka ilaj Agar kisi ko koi azeem sadma dar pesh ho, awlad marjaye ya kisi bare qareebi rishte dar ki maut hojaye aur iski wajah se hafze ki kharabi hojaye ya dilo dimagh me sakht bechaini rehti ho to us surat me 7 din tak Ya Sabooru ka wird 707 martaba parh kar pani me dum kar pilaien.Inshallah iski barkat se sadme ka ghum wa runj do0r hojaye ga aur tabiyat me sabr paida hojaye ga. Jinnat Aur Aasaib Se Bachao jiss maqam ya makan per rozana 111 martaba Ya Nooru ka wird kiya jaye woh jagah jinnat pari aur assaibi makhlo0qat se hamesha keliye mehfooz rahegi. Inshallah ku ke ye baat zahir hai ke jahan noor ho wahan naari makhlo0q nahi reh sakti. jinnat waghaira naari makhlo0q hain matlab aag se banayi hwi makhlo0q hain aur unka wahan rehna mushkhl hoga. Khawond Ka Mizaj Naram Karna aisi aurat jiske khawond ka mizaj boht sakht ho aur bat bat par najaiz ghusa karta ho to usko chahiye khawond ko jub roti dene lage to us say pehle 111 martaba Ya Afu-o parh le. istarha 40 din tak kare Inshallah khawond ka mizaj naram ho jaye ga aur bud kalamy chor dega. Namaz Aur Neki Me Dil Lagna

aisa shaks jiska dil namaz parhne ki taraf na lagta ho aur dil neki ki taraf jaldi mayel na hota ho to usko chahiy 1000 martaba rozana Ya Awalu ka wird karta rahe Inshallah uske nasf se sousti do0r ho jaye gi aur uska dil kher aur bhalai ki taraf kho0b mayel hoga.
Kisi ko Meharban Karna Agar kisi ko apne ooper meharban karna ho to 500 martaba Ya Mateenu parh kar kisi meethi cheez par dum kar ke dein. Junhi wo isko khaye ga meherban hoga. Agar aap isko apna wird bana lain matlab rozana 360 martaba parhte rahien to iski barkat aap khud dekhein gay k kis tarha aap ke kamo se rukawat khud ba khud khatam hoti chali jaayiengi. Phir se me batata chalo0n ke is amal ko na jaiz haram kam me istemal karne ki ijazat nahi. . .karne wala zimedar khud hoga!

Na Farman(Disobedient) Awlad ki Islah Jiss shaks ki awlad nafarman ho aur bat na manti ho usko chahiye ke apne nafarman betay ya bety ke mathay (forehead) par fajar ki namaz ke bad hath rakh kar Ya Shaheed 319 martaba 7 din tak parhe. Inshallah jo aap kaho gay bacha wo karega. Shadi ki Dua Qabool Ho Agar kisi larke ya larki ki shadi na hoti ho aur umar bhi zayada hogayi ho to uske liye Ya Mujeebu 11 din tak 5500 martaba rozana parhe aur uske bad Allah ke huzo0r apni shadi keliye dua kare. Bacho Ki Zid Ka ilaaj Aise bache jo baat baat par zid karte hain unkeliye pani ka aik pyala lijiye usme pani bharye aur 7 din tak rozana 550 martaba Ya Muqeetu parh kar dum kar k pilaye. Inshallah bacha bat bat per zid karna aur rona chor dega Bacho ki Nazar Utarna

Agar kisi bache ko ya bachi ko nazar lag jaye to Ya Hafeezu ko walda ya walid 111 martaba pani par dum kar ke 3 din tak pilaye.Inshallah nazar bud ka khatma hojaye ga. Haadisat Se Mehfooz Rehna Ya Allahu Ya Hafeezu haadisat se mehfooz rehne keliye bohat mosar hai. Isliye jub bhi bus, train, plane ya ship me jaayien to parhte jaayien is ki barkat se Inshallah hifazat ke sath manzil tak pohanchien gay. Khas kar driver hazarat ko chahiye ke driving karte huwe isko parhte rehna chahiye. Inshallah Allah swt unhe hifazat me rakhega. Saas aur Khawond ko Naram Rakhna Agar kisi aurat ko uski saas ya khawond na jaiz tung karte hon aur ghar me iski bila wajah koi izat na ho ya woh sasural walo ke tashadud abuse ka shikar chahe wo mental ho physical ho ya phir emotional ho usko namazo ka paband reh kar Allah swt se dua karni chahiye aur iske sath sath Ya Kabeeru ki 1 tasbeeh rozana matlab 100 martaba parhna chahiye. Inshallah sub mamlat drust hojayien gay. Istikhara- Rishta Acha Hai Ya Bura? Agar kisi ko rishte ka paigham aya ho aur uske ghar wale ye janna chahte hon ke rishta acha hai ya bura to larke ya larki ki walda ya walid Ya Khabiru ko 7 din tak akaile tanhai me beth kar rozana 3247 martaba parhe aur baghair kisi se baat kiye so ja ve. Inshallah usko isharatun pata chal jayega ke rishta acha hai ya bura. Agar bura ho to rishta na karien kyun ke bure rishto se nuqsan ka ehtimal hota hai. Bahu Hamesha Ba-izzat Rahe Aisi bahu jo aise ghar me jaye jahan ahle khana ke afrad ziyada ho aur usay bat bat per bezti ka nishana banate ho.khawond bhi

parwa na karta ho to aisi behan ko chahiye ke 40 din tak rozana din ke kisi waqt me 3125 martaba Ya Moizu parhe aur pani pe khud dum kar kd pi liya kare. Inshallah tamam ghar wale uski izat karne lagien gay. Dushman Ko Zalil Karna iskeliye Ya Khafizu fajar ki namaz ke bad 1481 martaba 40 din tak parhain. Inshallah dushman jo apko zalil karne ki soche ga khud he zalil hoga aur jo koi agar qatal karne ka mansuba banaye ga Allah swt parhne wale ko apni panah me rakhega. Azmaish shart hai lakin isko har jaga istemal nahi karna chahiye ashad zarurat me astemal kiya jaye aur agar koi na huq yani wese he kisi ko naoozu billah tung karne keliye parhega woh khud he zaleel o khuwar hoga. Iski ijazat meri taraf se sirf unlogo ko hai jo wakai be yaar o madadgar hain aur zulm wa sitam ke maare huwe h ain aur na huq parhne walo ko qatun iski ijazat nahi Burray Aadmi se Peecha Churana Agar koi aadmi kisi aurat ya larki ke peeche ishq e majazi ke chakar me para ho aur be panah tung karta ho jis se budnami ka khatra ho to Ya Khafizu 11 din suraj dhalnd ke waqt khare hokar 8886 martaba parhain. Inshallah ye amal khatam hone per buray aadmi se chutkara mil jayega. Husband Ki Bud-Akhlaqi Ka Hul Jiss aurat ka husband bud akhlaq ho aur apni mankuha yani biwi ke sath bari sakht mizaji se pesh aata ho to uss aurat ko chahiye ke Ya Basitu pani par 7300 martaba rozana sirf 11 din tak parh kar dum kar ke pilaye Inshallah aap dikheingay is ki barkat se husband ka mizaj sahi hojayega aur uski bud akhlaqi khatam hojayegi Mujarib: Rozi o Rizq

Jo shaks rozana Ya Basitu subah ke waqt 100 martaba parhna apni adat bana le yani hamesha parhta rahe to is wazife ki barkat se Allah swt uska rizq barha deta hai. Woh shaks kisi ka mohtaj nahi hota aur nahi usko koi shadid pareshani lahiq hoti hai. Iske mutaliq Imam e Azam ka qol hai ke jo koi subha ki namaz se pehle 10 martaba is ism ko parhe aur iske bad apne chehre par hath pher le aur hamesha aisa karta rahe usay makhlo0q se kabi kuch mangne ki zaro0rat nahi hogi goya Allah swt ussay razi hokar makhlo0q se beniyaz kar dega NASHA KHATAM KARNA Ye Allah swt ka naam nasha aur degar buraiyan aur buri harkato ko khatam karne keliye bohat mufeed hai. Aise log jinki awlad me nashe ka istemal ho unhe in buri adat se rokne keliye Ya Qabizu rozana 5418 martaba 41 din tak parhe aur rozana pani pe dum kar ke nasha karne wale shaks ko playa jaye agar wo na piye ya usko pilane ka koi raasta na ho to uski kameez per cheentay lagaye jayien rozana jisko usne pehna ho matlab aise kapro per cheentay lagaye jayien jinko pehnta hai, pehan chuka hai. Ishallah is ki barkat se 41 din ke andar nashe ki lanat se chutkara mil jayega Gharelu Larai Jhagre Se Nijat Agar Allah na kare kisi ghar me har waqt kisi na kisi baat per larai jhagra aur runjish rehti ho to chalte pharte, uthte bethte Ya Salamu ka wird rakhien agar ye na ho sake to 131 martab iska wird karien aur shuru aur akhir me duro0d pak zaro0r parha karien . Inshallah is ism ki barkat se us ghar me aman aur salamaty ki fiza parwan chare gi Saadat Mund Aulad Ka Hona Jub kisi aurat ko bacha ya bachi ki umeed hojaye to usay chahiye ke Ya Quddusu ko 100 martaba parhna shuru karde. Inshallah is wazife ki barkat se jo bacha paida hoga woh sari umar maa baap

ka tabedar rahega aur uske akhlaq pakeeza honge. Agar aurat khud na parh sake to koi aur shaks is amal ko parh kar pani per dum kar ke usay pilaye. Ishallah hone wala bacha walidain ka farmabardar hoga. Munasib Rishte ka Milna Agar kisi ko munasib rishta na milta ho yani uske dil ki hajat po0ri na hoti ho ussay chahiye ke Ya Rahmanu akele kisi pakeeza saaf suthre kamre me wuzu ke sath 3125 martaba parhe aur har wazifa khatam hone per Allah swt ke huzo0r naik rishte milne ki iltija aur dua kare. Inshallah is ki barkat se jald he behtar asbab paida honge. Is wazifay ki shuru aur aakhi me Astaghfiru Allah 11 martaba zaro0r parhe Jhagre Ke Muqadame Me Kaamyabi Agar koi shaks kisi jhagre me na huq phuns gaya hai aur uske khilaf muqadama bun gaya ho to peshi ke waqt Ya Allahu kasrat se parhe aur dil me Allah ka tasawar laye aur Allah ke huzo0r dua kare ke Ya Allah bus teri zat baqi rahegi aur tere siwa har cheez fana hojaye gi. Inshallah muqadama parhne wale ke huq me hoga Koond Zehan Ka Ilaj Aisa bacha jo ko0nd zehan (slow learner) ho usko kuch yaad na rehta ho ya parhai se bhagta ho usko nihar mu tazi roti pakar us par 7 martaba Ya Allahu likhien matlab ungli se likhien aur us bache ko 21 din tak khila dein Inshallah bache ka zehan khul jayega aur bacha shoq aur lagun se parhne lage ga BEHOSHI KA ILAJ 1 buzurg ka qol hai ke agar koi mareez behosh hogaya ho to uske surhane beth kar 300 martaba Ya Rahmanu Ya Salamu parhain to Inshallah usko hosh ayega

RIZQ KI TUNGI Ka Hul jub kisi ko tung dasti ho, rozi k zaraye mehdood hon ya husool e maal me koi rukawat paida hogayi ho ya karobar tabah hogaya ho to usay chahiye ke raat ke pichle pehar uthay aur Allah ke huzoor do do rakat kar ke 20 nawafil parhe aur har har nafil ki rakat me Sura e Fatiha ke bad Sura ikhlas parh kar 100 martaba Ya Ghafaru parhe aur 21 din tak ye amal kare. Inshallah issi asna me iski barakatien zahir hona shuru hojaingi.

Gurday aur pitay ki pathry ka ilaj Agar aap ko gurde aur pitay ki pathry khatam karni ho to mandarja zail ayat Quran Pak se sahi dekh kar talafuz ke sath 41 dafa parh lain jab tak iski barkatien zahir hona shuru hojayien. Wo ayat sura Baqara ki 74 ayat hai. * * * (74) -
KALAY JADU SE BACHNE KE WAZAIF

JADU KA ASAR KHATAM KARNA 7din tak 1836 martaba Ya Qahharu awal wa akhir Ayat al Kursi 11 martaba parh kar pani per dum karke pilaien. to Inshallah 7 dino me is ism ki barkatien zahir hojayiengi aur jadu ki bundish aur buray asrat ka khatma hojayega. KALE JADU KE WAR KO ROKNA Baz jadugar bara sakht qisam ka jadu kar ke karobar,dukan waghaira ki aamadni ko baandh dete hain waqti tor pe asar

hojata hai lakin nafa nuqsan Allah ke hath me hai. Aisi surat me Ya Muntaqimu40 din tak subha ke waqt 640 martaba parhe Inshallah is ism mubarak ki barkat se sub bundishien khul jayien gi
Chori se Mehfooz Rehna Agar aap kisi cheez ko chori hone se mehfooz rakhna chahte hain to 3 dafa durood sharif uske baad 10 martaba Ya Jaleelu () uske baad phir 3 dafa durood parh kar uss cheez per dum karien Inshallah woh cheez mehfuz rahe gi. SAMAAN KO GUM HONE SE BACHANA Agar kisi ko maal ya samaan gum hone ka durr ho to usko chahiye Ya Hafeezu 998 martaba pani par parh kar dum kare aur ussay maal ya samaan per cherak de Inshallah Allah ki hifazat me hoga. SAFAR ME GUMSHUDGI SE BACHNA Safar me rawana hote waqt apne saman or bacho per Ya Raqeebu 21 martaba parh kar dum karien.Inshallah aapka samaan aur bache mehfuz raheingay .

Raat Ko Sote Waqt Ke Amaliyat Huzoor sarwar e kainat Hazrat Muhammad (saws) ne farmaya tu ne apne pehlu ko bistar per rakha aur Sura Fatiha aur Sura Ikhlas parh li to maut ke ilawa her cheez se bekhof hogaya! Huzoor Aqdas (saws) ka irshad hai ke raat ko rozana 5 kaam kar ke soya karo : (1) 4 bar Sura Fatiha parh kar soya karo iss say 4 hazar

dinar sadqa dene ka sawab milega. (2) 3 martab Sura Ikhlas parh kar soya karo iss se 1 mukamal Quraan parhne ka sawab milega. (3) 10 martaba Durood Shareef parh kar soya karo iss se jannat ki qeemat ada hogi goya tum ne jannat khareed li. (4) 10 martaba Istighfar parh kar soya karo iss se do larne walo me sulah karane ka sawab mile ga. (5) 4 martaba Teesra kalma parh kar soya karo iss se 1 hajj ka sawab milega. Teesra Kalma :