Pidarta: Galungan Angayubagia atur titiang majeng ring Ida Sang Hyang Widhi Wasa, saantukan wantah sangkaning

asung kerta wara nugrahan Ida Sang Hyang Widhi, mawinan titiang prasida kacunduk ring Ida dane sareng sami sakadi mangkin. Ring galahe sane becik puniki, titiang jagi ngaturang pidarta indik Nyanggra Hari Raya Galungan Sadurung nyanne, titiang jagi ngucap Om Swastiastu , Para sameton titiang sareng sami, Bali sampun kasub kawentenannyane ring dura nagara, sane sering kabaosang Paradise Island suksman ipun Pulau Surga. Bali Kabaosang sekadi asapunika riantukan kaasrian lan kaluihin adat budaya Hindu nyanne sane ngangobin tur ngulangunin. Umat Hindu ring Bali miwah luar Bali, biasannyane nyanggra Hari Raya Galungan. Galungan punika rauh kewentenane sabilang 6 sasih, inggih punika ring dina Budha Kliwon wuku Dungulan. Rentetan Hari Raya Galungan nyane, wenten Penyajaan Galungan, Penampahan Galungan, Galungan lan Umanis Galungan. Ring dina somane, kalih dina sadurung Galungan kabaos Penyajaan Galungan. Napi mawinan Penyajaan Galungan punika? Panyajaan Galungan punika sawireh ring dina punika iraga jagi makarya jaja, jejaitan, banten muah seluir ipun antuk anggon nyane mabanten ring rahina Galungan. Benjangne ring dina anggara kawastanin Panampahan Galungan. Ring Penampahan Galungan puniki, iraga sane maagama hindu, jagi nampah bawi raris makarya lawar muah sate. Ebat-ebatan punika jagi anggen masoda ka umah para sameton nyane, pacang aturang teken para pitara. Ring Panampahan Galungan, para lanang taler makarya penjor. Penjor punika kagenahang ring lebuh soang-soang yening para istri nyane meceniga, inggih punika makena wastra, lawak muah sampian gantung ring merajan utawi pura. Ring dina budha, inggih punika ring galungan nyane, iraga jagi ngaturang banten ke pura-pura muah di merajan. Bebantene punika, makadi pikeneh ipun sakadi ngaturang suksma ring Ida Sang Hyang Widhi makaunteng penginget kaon nyane adharma marep ring dharma. Inggih ipun, kaon nyane kacorahan ring kawicaksanaan. Lan ring dina wraspati, sameton-sameton akeh malancarang ring objek-objek pariwisata. Upami ipun, Pantai Sanur, Bedugul, lan sane liane. Ring Galungan puniki, iraga patut maturang suksma lan rasa bakti ring hadapan Ida Sang Hyang Widhi Wasa. Iraga patut setata melaksana sane becik, eda taen melaksana corah sadina-dinane. Dadi pianak sane mabakti kadin catur guru lan tan dados ugal-ugalan. Nenten sane ring dina Galungan manten iraga patut malaksana melah, ring sadina-dina, iraga masi patut tetep melaksana melah. Galungan inggih punika pitenget apang umat Hindu nyane satata malaksana sane melah, saling asah asih asuh. Ainggih asapunika indik pidarta titiange, Titiang nunas geng rena sinampura antuk keiwangan titiange sane tan manut ring ati soang-soang. Antuk nyineb pidartane puniki antuk ngucapang parama santih. Om Santih santih Santih Om